Ngajar bahasa Melayu via Voice Call from OZ...

Teringatlak hari senin baru ni, call my nephew. Rupo eh tongah buek kojo sekolah.

Subjek apotuh?
Bahasa Malaysia.

Pasal apo?
Makna perkataan.

Banyak dah dapek ko?
Semuo tak dapek laie.

Gunolah kamus.
Mano ado kamus, yg bahaso inggeris-bm adolah

Meh nak tolong. Apo perkataan eh?
Mengagumi.

Hmm..hmmm ..merasai org tu hebat. (sesuko hati den jo kan)
Apo Ngah?

Ala ko tulih jolah...
Raso..bla2....

Apo laie..
Menyambut

Hmm..apo yo...Ntahlah.
Takpolah nanti bilo mak balik, buleh tanyo.

Lagi?
Ilham....

Idea.
Memang nak tulih camtu pun...(hek eleh budak ni)

Ado lagi tak?
Mengisytiharkan.

Hmm..hmm..lupo lak....ha...mengumumkan.
Mengu..mumkan...

...............
.................

Yang lain tak dapek tuh. Tunggu mak ko balik yo.
Yelah.

Cubo tengok kek lemari buku tu, ntah2 ado kamus bm kek tingkat duo tuh.
Oh..kamus dewan tu yoh.

La budak bertuah ni...ponek jolah den memorah merameh otak, memikirkan makno eh. Ado pun kamus dewan zaman dulu kala itew. tiga generasi itew..from my auntie, me..turun ke my nephew. Psst...susah gak yo kojo sokolah budak jah ompek. Lahai..baru teringat, apsal lak den tak guna je khidmat google, dah sedap2 berenang2 atas katil...takkan nak bangun lakkan. Lagipun, biarlah budak tu usoho sendirik...kok maso exam pun, bukan den leh tulun pun.

Hah! apo kak jah...golak2. Den bab makno ko, bab2 bahaso ni memang kureng sikit. Serious..maso SPM, result BM teruk..frust gaklah.
Eleh...cubo ekau lak nyatokan makno semuo perkataan tu, tanpa rujuk kamus...
Conpius lak..yang kek ateh nun, makno ko perkataan seerti...