Ado apo ngan topi Balkis...

Korang minat ko ngan topi niha


Amat sesuai diberi nama topi Balkis atau topi Cinto Balkis. Kenapo??? Saksikanlah..........


Hish, tak baik boto si Balkis ni meniru topi den tau. Topi den ni boli tahun 2006 kek Langkawi.


Ciss...topi melancong den di buek eh topi berkobun takpun masuk ladang...Tak suka tau !!!!

Bilo cakap pasal ladang ni, rumah den dulu memang dopan, belakang n bolah kiri ladang kelapo bali si Golden Hope punyo. Opps..korang tahu ko apo bondo eh kelapo bali tuh...kelapo sawit lah. Eh..kitorang tak cakap ladang tau..kitorang cakap istit yo...terjemahan kepada estate hehe.Best jugak bilo ngonang jaman kanak2 ribena tuh. Main galah panjang ngan konda kondi kek istit dopan umah...hehe tak hingat nak balik. Terjorit-jorit lak mak panggil hehe. Kok sesapo tak tahu apo bondo eh konda kondi tuh, lawatlah blog ini.

Poie cari lidi kek istit sobolah rumah. Cari lidi ??? Alahai...bilo orang kait buah, mesti dio kait pelopah eh sekali kan.


Tu...daun-daun kek polopah tu bilo ko lurut, tak ko dapek lidi eh. Jonuh gak nak ngumpulkan lidi nak buek penyapu cam kek bawah ni...


Lopeh tu, kek istit belakang umah, selalu tompek kitorang jago lombu. Jago lombu???? Haha..nanti2 lah den cito yo. Kalau poie jauh ke dalam gi, boleh poie cari pucuk paku.

sumber:http://fortimes.blogspot.com/2009/10/my-weekend4th-october-2009.html

Kadang, kalau lopeh hujan...kutip cendawan la. Kenkadang kitorang cabut boneh pokok sawit tuh. Ala, yg baru muncul tuneh/daun mudo duo tigo lai tu. Maso tu biji eh tinggal tempurung hitam tu jo. Yang best eh, bilo tempurung eh tu dipocahkan, ado isi puteh eh..manih gak raso eh..cam gambar bawah ni.

sumber :http://mazaaida.blog.friendster.com/files/keratan-buah-ks.jpg

Sobab tu korang tengok, dalam cito cinta balkis tu depa kutip biji sawit yang terlerai dari buah tu. Kalau tak dikutip, kan tumbuh lak keliling pokok tuh..buek somak jo kan. Lagipun buah lorai kalau dikutip, sedikit sebanyak menambah berat kepada hasil tangkapan eh hasil pengumpulan buah tu....

credit :http://farm3.static.flickr.com/2100/1524100328_32faef411a.jpg

Sobona eh, maso sekolah rondah dulu..nilah sumber pendapatn den. Kalau rajin ngutip biji lerai tuh, dapek lah upah. Ado sekali tuh, nak duit lobih sobab nak poie rombongan cik kiah ke Kolumpo, den siap angkek buah kelapo tu lotak lam keto tolak(kereta sorong). Bosar gak buah eh. Dapek tigo buah tandan, ponuh la keto tuh. Mako terkial-kial la den menolak keto tu. Bilo sampai kek titi nak soborang bonda (parit bosa), berhompeh puleh lak den menyeimbangkan badan yg ketot ni sambil bawak boban yg borek gilo tuh...Maso kocik dulu..memang tak suko buek kojo kutip mengutip n angkek mengangkek ni, tapi kenkadang seronok gak coz raso cam den kuek bagai jantan johan bilo buek kojo orng dewaso. Bilo pikir bilik sekarang ni...pengalaman berhargo tuh kan.

Tu kisah dedolu, kisah harini lak, den makin poning ngan kojo den. Semalam den cakap graph yg den dapek cam tak logik. Bilo ado sorang post doctoral student ni check my work, dio kato mungkin den punyo formula salah. Musykil gak coz haritu my spv check kata ok. Den pun raso formula den cam boto. Bayangkan kojo den yg 6-7 bulan tuh kono buek semulo right from the start tak ke haru. Tapi, den maleh nak ngiro pepanjang dulu. Den kiro sikit, then suruh cik comp kiro. Sib baik buleh...tapi mmg lamo gilo lah. Maklumlah den tak sompek nak permudahkan that equation. Tapi yg sakit hati eh...pun dapek graph yg samo. So, apo lak masalah eh laie....Ya Fatah Ya Fatah...Ya Allah permudahkanlah, bukalah pintu penyelesaian...Amin. Cam biaso, poning2 gak, lunch jgn tinggal. Niha boka siang tadi ...sambal terung semalam ngan ayam hangus hehe..