Noritake sekotak $9 aje...

Hah..noritake sekotak $9~RM27? Bukan kah satu set noritake damask gold cam kek atas tu harga ribu2 kat malaysia. Ha, kak Jah dongki la tuh. Awat dapat murah? yelah dah toke kedai tu minat kat den, nk buek camno...dah org suko, kito amik peluang la....haha. Mmg den boli sekotak pun. Cam yang kat bawah tu la hehe...jgn marah ha.

Sekotak/sebiji mug...jadilah buek kenangan. Nipun kojap2 den joling2 manjo kek mug tu. Ala2 bangga gitu. Belum boli satu set 53 pcs, mau tak tido seminggu asyik dok merenung dan menatap dio. Tp kwn ckp memang murah set kek ateh tu $299~RM900. Harga asal eh $1000~RM3000, tetap lagi murah dari kek Malaysia. Ado yang cakap dio pi Labuan paling murah pun RM7000. Ado kwn tu boli marble red set 33 pcs $200 yo.



Tp napo mahal na....mmg la mahal oi..disalut omeh. Sobab tu den boli sekotak yo...nanti terkilan lak kan. Selain takdo budget, den takut gak nak boli. Sobab den ingat2 lupo maso sekolah dulu ustaz kato tak buleh mkn dlm bekas dr emas. Den check gak internet, haram hukumnya makan dari bekas emas/bersalut emas. Tapi, kalau sesape ada info atau pembetulan pasal ni, tolong bagitau ya.

Eh! Cam kona yo. Noritake pun ada corak 'Kobe' ko ? Pembongaklah!!!..Dah torang2 si corelle tuh. Depa kata murah $60. Yo ko??? Den pun tak tahulah. Mintak maaplah, tak roti bab pinggan mangkuk ni. Den makan guna melamin yo. Aish...bukan ko bahayo guna menatang tu. Disobabkan tu and supayo tak nak nyosal den pun terpaksolah boli set Kobe ni.

Disobabkan den dah terboli brg tak perlu cam disebut di atas, budget lari manyak wo, mako den kono lah berpuasa shopping 3 minggu. Boleh ko ? Ok ok seminggu..mkn pun apo yg ado kek umah yo...padon muko den kan. Tapi sobonar eh, plan tingga plan yo. Semalam den bantai boli ayam tandori+avocado. Siang tadi chips. Ntah napo tak larat bona masak, start dari Sabtu lagi..order pizza jo. Ahad, masak maggi. Tadi barulah den masak...Thai Red Curry Chicken+Ikan masinlah...

Sumber noritake: http://www.noritake.com.au